Өнөөдөр ухаалаг гар утас бидний амьдралын салшгүй хэсэг болжээ. Харилцаа холбоо, ажил хэрэг, суралцах, чөлөөт цагаа өнгөрүүлэх зэрэг бүхий л зүйлд утас хэрэглэж байна. Гэхдээ буруу дадал зуршил нь таны утасны ажиллагаа, батерейны насжилт, цаашлаад эрүүл мэнд, аюулгүй байдалд хүртэл сөргөөр нөлөөлдөг. Тиймээс ухаалаг утсаа зөв, эрүүл, аюулгүй ашиглах зарим зөвлөмжийг хүргэе.
1. Утсаа хааяа унтрааж хэвших
Утас чинь өдөр шөнөгүй ажилласаар байвал батерей нь хурдан элэгдэж, ажиллагаа нь удааширдаг. Хэдийгээр сэрүүлэг тавьсан байсан ч гэсэн өдөрт нэг удаа утсаа унтрааж, “амраах” зуршилтай болоорой. Энэ нь батерейны насжилтыг уртасгахаас гадна системийн ажиллагааг сэргээдэг.
2. Wi-Fi, Bluetooth-ийг зөв хэрэглэ
Wi-Fi, Bluetooth-ээ үргэлж асаалттай орхивол цэнэг хурдан дуусдаг. Тиймээс зөвхөн хэрэгтэй үед нь асааж, ашиглаад дуусмагцаа унтраах нь хамгийн зөв шийдэл юм. Ингэснээр та батерейгаа хэмнээд зогсохгүй, илүү найдвартай ажиллагааг хангана.
3. Утсаа хэт удаан цэнэглэхээс зайлсхий
Олон хүн утсаа шөнөжингөө цэнэглээд орхидог. Гэвч энэ нь батерейд маш муу. Илүүдэл цэнэглэл нь хэт халалт, элэгдлийг түргэсгэдэг тул өдрийн цагаар заасан хугацаанд нь цэнэглэж хэвших хэрэгтэй.
4. Утсаа тогтмол цэвэрлэж бай
Гар утас бол хамгийн их бохирддог хэрэгсэл. Бие засах, хоол идэх, гадаа алхах гээд бидний гараар дамжин төрөл бүрийн бохирдол наалдаж үлддэг. Тиймээс зөөлөн алчуур, чийгтэй салфетка ашиглан утсаа тогтмол арчиж, ариун цэврийг нь сахиж байгаарай.
5. Түгжээ тохируулах нь аюулгүй байдал
Олон хүн утсаа түгжээгүй хэрэглэдэг. Энэ нь хамгийн том эрсдэл юм. Утас тань хулгайд алдлаа гэж бодоход хувийн мэдээлэл тань бүгдэд нээлттэй болох эрсдэлтэй. Тиймээс PIN код, хурууны хээ, нүүр таних зэрэг хамгаалалтын тохиргоог идэвхжүүлж, хувийн мэдээллээ хамгаалаарай.
Дүгнэлт
Ухаалаг гар утсаа зөв ашиглах нь зөвхөн батерей, төхөөрөмжийн насжилтыг уртасгаад зогсохгүй таны мэдээллийн аюулгүй байдлыг хангаж, эрүүл мэндэд ч тустай. Жижигхэн дадал зуршлаа өөрчлөөд эхлэхэд л том өөрчлөлтийг авчрах болно.